Jude

EN IUDAS A KISIN LIKAU.

1 IUDAS, ladu en Iesus Kristus amen, o ri en Iakopus, ranamau won irail, me pilipildar o me kompoke pan Kot Sam, o me nekinek ren Iesus Kristus. 2 Kalanan, o popol, o limpok en rokalan komail! 3 Kompok kan, ni ai nonki kaualap, intin won komail ekis, duen atail dorela ni lamalam ta pot, i men intin won komail o panaui komail, en upaliki poson, me udan panalan saraui kan. 4 Pwe aramas akai wailon on, me ar pakadeik mia san mas o: Irail me doo san Kot, o re kawukila mak en Kot, on kapwaiada inon sued en uduk, o re kamameki Kot o atail Kaun Iesus Kristus, me iei eta Kaun. 5 Komail asaer meakaros, ari so, i men kataman kin komail, me Kaun o kotin sauasa sapwilim a aramas akan ren men Akipten, a mur a kotin kame ir ala, me sota poson. 6 O tounlan kai, me sota kasampwaleki arail koa, ap muei san udan deu arail, a kotin nekid kin arail sal mata soutik ni wasa rotorot on ran en kadeik lapalap. 7 Dueta Sodom, O Komora, o kanim akan, me mi imp ara, me pil nenenek ni tiak ota, dueta ira, o inon ion uduk toror, ap wiala kilel eu, ni ar kamekameki kisinieai soutik. 8 I dueta mepukat, me kalap auramen, kin kasaminela uduk, o sota duki on kaun o, lalue me linan akan. 9 A Mikael, tounlan lapalap amen, ni a Akamai on tewil, akakamaiki kalep en Moses, a sota kotin ainar on lalaue o kadeikada i, pwe a kotin masanier: Kaun en kotin kapun on uk! 10 A mepukat kin lalaue, me re sasa; a meakan me re udan asa, dueta man akan, me sota ar lamalam, kawela pein irail. 11 Suedi on irail! Irail weweid kier al en Kain, o re lodi on pakotaue en Pileam pweki moni, o ni ar kanudi dueta Kora, re mekilar. 12 Ir pukat me kaopan omail kamadip limpok kan, ni ar sokrau somasak o kamana pein irail. Re rason dapok madekon kan, me an kin wewa sili, o rason tuka, me so ta o so wa kan mia, me melar pan riapak, o solar due ’rail. 13 Re rason iluk en matau, me punpun pototeta, kapwereda pein ar kanamanok kan, rason moal en usu, ap nekinek on rotorot soutuk. 14 Enok kaisimen murin Adam pil kokop duen irail masanier: Kilan, Kaun o kotido ian sapwilim a saraui kan, me kid neder. 15 Pwen kadeikada karos, o kapunada me san Kot akan karos, pweki ar dodok o wiawia sued akan, me re wiadar ni ar doo san Kot, o pil ar lokaia sued, me irail dipan akan wiai on i. 16 Mepukat kin lipaned o pilipil en pan moli ansau karos, aki ar kapwaiada ar inon sued, o irail aklapalap ni ar lokaia, o lipilipil san sal en aramas pweki moni. 17 A komail, kompok kan, tamanda masan akan, me wanporon en atail Kaun Iesus Kristus akan masanier mas o. 18 Ni ar masani on komail, me aramas lalaue pan pwarado ni imwin ansau, me san Kot, ap kekeideki pein ar inon sued. 19 Ir pukat kin kamueit pasan saulan kan, irail me pali uduk eta, a sota nen arail. 20 A komail kompok kan, kaua kida pein komail omail poson melel, o saraui, o kapakapaki Nen saraui. 21 Nekinek pein komail ni limpok en Kot, o kaporoporeki kalanan en atail Kaun Iesus Kristus on maur soutuk. 22 O akai irail me peikasal, komail kadek on, 23 Saro kin ir wei san nan kisiniai o dore ir ala. O kadek on me tei kan ni masak. O komail pil suedeki likau samin en pali uduk. 24 A i me kak pera komail, san omail pan depikelekel, o kamotan di on komail mon a linan, makelekel, o pereperen, 25 I Kot eta Saunkamaur patail, ren Iesus Kristus atail Kaun linan, lomin, o wiawia, o manaman en ko on, met o potopot eta kokolata! Amen.